बयान सकिए पछि शंकर अग्रवाल छुटे

शंकर ग्रुपका अध्यक्ष शंकर अग्रवाल बयान पछि छुटेका छन्।

शुक्रबारदेखि उनी सम्पत्ति शुद्धीकरण प्रकरणमा नियन्त्रणमा थिए।

‘उहाँ शुक्रबार २ बजे मात्रै आउनुभयो। बयान नसकिएको कारण छाडिएको थिएन। आज बयान लिएसँगै उहाँ फर्कनु भएको छ,’ विभाग स्रोतले भन्यो।

व्यवसायी दीपक भट्टसँगको कारोबार र सम्पत्ति शुद्धीकरण प्रकरणमा उनको बयान लिइएको विभागले जनाएको छ।

आइतबार शंकर ग्रुपका सञ्चालक सुलभ अग्रवाल पनि पक्राउ परेका छन्।

उनको अनुसन्धानका लागि म्याद थप गर्न अदालत लगिएको छ। शंकर र सुलभको फरक विषय भएकाले शंकरलाई बयानपछि छाडिएको र सुलभलाई भने अनुसन्धान गर्नुपर्ने देखिएको विभाग स्रोतले जानकारी दिएको छ।