सभामुखको चुनाव आउँदाे आइतवार

काठमाण्डाै- प्रतिनिधिसभाको सभामुख चयनका लागि आउँदाे आइतवार चैत २२ गते चुनाव हुने भएको छ ।

सिंहदरबारमा आज बसेको सर्वदलीय बैठकले चैत २० गते उम्मेदवारी मनोनयन गर्ने र २२ गते चुनाव गर्ने कार्यतालिकामा सहमति जुटाएको राष्ट्रिय स्वतन्त्र पार्टी (रास्वपा) का महामन्त्री कविन्द्र बुर्लाकोटीले जानकारी दिए ।

बैठकपछि सञ्चारकर्मीसँग कुरा गर्दै उनले सदनको पहिलो बैठकको कार्यसूची र सञ्चालन प्रक्रियाबारे दलहरूबीच समझदारी बनेको पनि बताए । उनकाअनुसार भाेलि हुने प्रतिनिधिसभाको पहिलो बैठकमा सभामुखको चुनावसम्बन्धी प्रस्ताव पेश हुनेछ ।

बैठकले नयाँ नियमावली नबन्दासम्म अहिलेकै संसद् नियमावलीका आधारमा बैठक सञ्चालन गर्ने र पहिलो बैठकबाटै नियमावली प्रतिस्थापनको प्रक्रिया अघि बढाउने निर्णय गरेको रास्वपाका महामन्त्री बुर्लाकाेटीले बताए।

यस्तै पहिलो बैठकमा बैठकमा कार्यव्यवस्था परामर्श समिति गठन, बैठकको अध्यक्षता गर्ने सदस्यहरूको चयन प्रक्रिया शुरू गरिनुका साथै शीर्ष नेताहरूले शुभकामना दिने कार्यसूचीमा सहमति जुटेको उनकाे भनाइ छ ।

सभाको पहिलो बैठकमा गएकाे भदौ अन्तिम हप्ता भएकाे नवयुवा आन्दोलनका शहीदहरूप्रति श्रज्ञाञ्जली व्यक्त गर्ने कार्यसूची पनि रहेको छ ।