अर्थले गर्यो ३० उपसचिवको पदस्थापन
अर्थ मन्त्रालयले एकसाथ ३० जना उपसचिवको पदस्थापन (जिम्मेवारी) तोकेको छ।
केही समयअघिदेखि बढुवा भएर अर्थ मन्त्रालयमा रहेका ३० जना उपसचिवको चैत १५ गतेको निर्णयबाट देशभरका विभिन्न कर तथा भन्सार कार्यालयहरूमा जिम्मेवारी तोकिएको हो।
उनीहरूको रोजाइका आधारमा नै पदस्थापन गरिएको अर्थका अधिकारीहरूले बताएका छन्।
जसअनुसार ९ उपसचिवलाई भन्सार कार्यालय मातहतका कार्यालयहरूमा पदस्थापन गरिएको छ।
५ उपसचिवलाई प्रदेश आर्थिक मन्त्रालयहरूमा पदस्थापन गरिएको छ।
एक जनालाई सम्पत्ति शुद्धीकरण विभागमा पदस्थापन गरिएको छ भने १५ जनालाई आन्तरिक राजस्व विभाग मातहतका कार्यालयहरूमा पदस्थापन गरिएको छ।
मेरिटअनुसार पहिलो हुनेले पहिले पोष्टिङ छान्ने, दोस्रोले बाँकी २९ मध्येको ठाउँ छान्ने अनि मेरिटमा तेस्रो हुनेले बाँकी रहेको २८ बाट छान्ने विधिअनुसार यो बढुवापछिको पदस्थापन भएको मन्त्रालयले जनाएको छ।
ट्रेन्डिङ
सम्बन्धित
