प्रधानमन्त्रीले गरे कोशीका सांसदसँग छलफल

प्रधानमन्त्री बालेन्द्र शाह (बालेन) ले मन्त्रीहरूसँगको ब्रिफिङपछि सांसदहरूसँग छलफल थालेका छन्।

आइतबार सिंहदरबारमा मन्त्रीहरूसँग सुशासन र जनजीविकाका मुद्दामा छलफल गरेका प्रधानमन्त्री शाहले सोमबारदेखि प्रतिनिधि सभाका सांसदहरूसँग संवाद अघि बढाएका हुन्।

प्रधानमन्त्री तथा मन्त्रिपरिषद्को कार्यालयमा अहिले प्रदेशगत आधारमा सांसदहरूसँग छलफल भइरहेको छ। प्रधानमन्त्री कार्यालयका एक अधिकारीका अनुसार प्रधानमन्त्री शाहले प्रत्येक प्रदेशका सांसदहरूलाई छुट्टाछुट्टै समूहमा राखेर भेट्ने कार्यतालिका बनाएका छन्।

यसै योजनाअन्तर्गत सोमबार प्रधानमन्त्री शाह कोशी प्रदेशका सांसदहरूसँगको छलफलमा जुटेका छन्।