गोरखामा माईक्रो दुर्घटनामा सात भारतीयको मृत्यु
३० फागुन २०८२ २२:२८
गोरखा, ३० फागुन ।
मनकामना मन्दिर दर्शन गरेर फर्कंदै गरेका तीर्थयात्री बोकेको बागमती प्रदेश ००६ ख ८४३० नम्बरको माइक्रो बस दुर्घटना हुदा ७ जनाको मृत्यु भएको छ । मृत्यु हुनेमा दुई महिला र पाँच पुरुष रहेका छन् । मृत्यु भएका सातै जना मनकामना दर्शन गर्न आएका भारतीय नागरिक रहेको प्रहरीले जनाएको छ ।
शनिबार गोरखाको शहीदलखन गाउँपालिका–३ कनटारमा मनकामनाबाट फर्कंदै गरेको माइक्रो बस सडकबाट करिब २ सय मिटर तल खसेको थियो ।
जिल्ला ट्राफिक प्रहरी कार्यालय गोरखाका प्रमुख सुरज अर्यालका अनुसार माइक्रोमा मनकामना दर्शन गर्न आएका १४ जना तीर्थयात्री, चालक र सहचालक गरी १६ जना रहेका थिए ।
दुर्घटनामा सात जनाको मृत्यु भयो । घाइते ७ जनाको भने उद्धार गरेर आँबुखैरेनी अस्पतालमा उपचार भईरहेको छ ।
प्रहरीले घटनाको विस्तृत विवरण आउन बाँकी रहेको जनाएको छ ।
ट्रेन्डिङ
सम्बन्धित
