सुदूरपश्चिमका चार ठाउँमा मतगणना जारी, दुईमा रास्वपाको अग्रता

धनगढी । सुदूरपश्चिम प्रदेशका १६ निर्वाचन क्षेत्रमध्ये चार क्षेत्रमा मतगणना जारी रहेको छ। कैलाली क्षेत्र नम्बर १ कञ्चनपुरका तीन वटै निर्वाचन क्षेत्रमा मतगणना भइरहेको हो ।

कैलाली-१ र कञ्चनपुर-१ मा शुक्रबार बिहानबाट मतगणना सुरु भएको हो भने कञ्चनपुरका अन्य दुई क्षेत्रमा यसअघि नै गणना सुरु भइसकेको थियो ।

कञ्चनपुरका क्षेत्र नम्बर २ र ३ को सुरुवाती नतिजा पनि सार्वजनिक भइसकेको छ । प्राप्त प्रारम्भिक मत परिणामअनुसार दुवै क्षेत्रमा राष्ट्रिय स्वतन्त्र पार्टी (रास्वपा) का उम्मेदवारले अग्रता लिएका छन् ।

कञ्चनपुरको क्षेत्र नम्बर २ मा राष्ट्रिय स्वतन्त्र पार्टीका दीपकराज बोहराले अग्रता कायम राखेका हुन् । मुख्य निर्वाचन अधिकृतको कार्यालय अनुसार २ हजार ७२० मत गणना हुँदा रास्वपाका बोहराले १ हजार ३८० मत ल्याएका छन् ।

काग्रेसका एनपी साउदले ५३९, एमालेका वचनबहादुर सिंहले ३७८ र नेकपाको माधव प्रसाद पन्तले १४१ मत पाएका छन् ।