कैलालीमा ५७ प्रतिशत मत खसेको प्रारम्भिक अनुमान, अझै बढ्न सक्ने

यशोदा शर्मा,

कैलाली । कैलालीमा सम्पन्न प्रतिनिधिसभा निर्वाचनअन्तर्गत प्रारम्भिक अनुमान अनुसार ५७ प्रतिशतसम्म मत खसेको छ। जिल्लाका मुख्य निर्वाचन अधिकृत भुवनसिंह थापाका अनुसार जिल्लाभर शान्तिपूर्ण रूपमा मतदान सम्पन्न भएको छ।
उनका अनुसार अहिले विभिन्न मतदान केन्द्रबाट मतपेटिका संकलन गर्ने काम भइरहेको छ। सुरक्षाकर्मीको निगरानीमा मतपेटिका सम्बन्धित स्थानमा ल्याउने प्रक्रिया जारी रहेको उनले बताए।
कैलालीमा प्रतिनिधिसभातर्फ ५ वटा निर्वाचन क्षेत्र रहेका छन्। जिल्लाभर ६४५ मतदान केन्द्र तोकिएका थिए। ती केन्द्रमा  कुल ५ लाख ५१ हजार मतदाता रहेका छन्।
निर्वाचन कार्यालयका अनुसार  अहिले  जिल्लाभरबाट मतपेटिका संकलन गर्ने कामलाई प्राथमिकता दिइएको जनाइएको छ।