कैलालीमा साढे ३८ हजार मत खस्यो

धनगढी  । कैलालीमा मतदान सुरु भएको साढे तीन घण्टामा ३८ हजार ४९० मत खसेको छ । प्रदेश निर्वाचन कार्यालयका अनुसार १०ः३० बजेसम्म ६.९८ प्रतिशत खसेको हो ।

निर्वाचन क्षेत्र नम्बर १ मा सात हजार ६५, क्षेत्र नम्बर २ मा आठ हजार १६१, क्षेत्र नम्बर ३ मा ११ हजार सात मत खसेको छ । यसैगरी, क्षेत्र नम्बर ४ मा छ हजार १९ र क्षेत्र नम्बर ५ मा छ हजार २३८ मत खसेको छ ।

कैलालीको पाँच वटै निर्वाचन क्षेत्रमा सौहार्द्रपूर्ण वातावरणमा शान्तिपूर्वक मतदान भइरहेको निर्वाचन कार्यालयका सूचना अधिकारी राजेश चौधरीले जानकारी दिए । कैलालीमा जम्मा पाँच लाख ५१ हजार ५२ मतदाता रहेका छन् ।