विश्वकप क्रिकेट लिग–२ का लागि क्यानले २० खेलाडीलाई बन्द प्रशिक्षणमा बोलायो

काठ्मनण्डौ- आईसीसी विश्वकप क्रिकेट लिग–२ को आउँदो श्रृंखलाका लागि नेपाल क्रिकेट संघ (क्यान) ले २० खेलाडीलाई बन्द प्रशिक्षणमा बोलाइएको छ ।

लिग–२ अन्तर्गत नेपाल, ओमान र युएईबीच हुने घरेलु शृंखलाका लागि क्यानले २० सदस्यीय प्रारम्भिक टोलीलाई बन्द प्रशिक्षणका लागि छनोट गरेको हो । रोहित पौडेलको कप्तानी तथा दीपेन्द्रसिंह ऐरीको उप–कप्तानीमा घोषणा गरिएको टोलीमा अनुभवी खेलाडीसँगै केही युवा खेलाडीले स्थान बनाएका छन् ।

बन्द प्रशिक्षणमा बोलाइएका खेलाडीहरुमा पौडेल र ऐरीसहित, सन्दीप लामिछाने, कुशल भुर्तेल, आसिफ शेख, अर्जुन साउद, भीम सार्की, आरिफ शेख, बशिर अहमद, गुल्सन झा, सोमपाल कामी, करण केसी, नन्दन यादव, रिजन ढकाल, ललित राजवंशी, शाहब आलम, शेर मल्ल, इसान पाण्डे, आकाश चन्द र हेमन्त धामी छन् ।