कैलाली-५ मा नागरिक उन्मुक्ति नेपालका उम्मेदवार रास्वपा प्रवेश

धनगढीः कैलाली-५ मा नागरिक उन्मुक्ति पार्टी नेपालका उम्मेदवार राष्ट्रिय स्वतन्त्र पार्टी प्रवेश गरेका छन्। नागरिक उन्मुक्ति नेपालका कैलाली निर्वाचन क्षेत्र नम्बर ५ का उम्मेदवार जगन्नाथ चौधरी मङ्गलवार रास्वपा प्रवेश गरेका हुन्।

रास्वपाको धनगढीस्थित कार्यालयमा रास्वपा केन्द्रीय सदस्य लक्ष्मण थारु र रास्वपा उम्मेदवार डाक्टर आनन्दबहादुर चन्दले चौधरीलाई माला र खादा ओडाएर चौधरीलाई पार्टी प्रवेश गराएका हुन्।

उम्मेदवार चौधरीले रास्वपा र नागरिक उन्मुक्ति नेपालको मुद्दा मिलेकाले रास्वपामा समाहित भएको बताए। उनले रास्वपा र आफूहरूको मुद्दा मेल खाएकाले पार्टीमा समाहित भएको बताए।

नागरिक उन्मुक्ति नेपालका उम्मेदवार चौधरी २०७९ को चुनावमा कैलाली(५ को ९२० बाट उम्मेदवार थिए। उनले पाँच हजार मत पाएका थिए। उनले आफूले पाएको मत र समर्थनलाई रास्वपामा समाहित गर्ने बताएका छन्।