आजदेखि दुई आईपीओको कारोबार सुरु

काठमाडौँ । सेयर बजारमा दुई चर्चित आईपीओको कारोबार आजदेखि सुरु भएको छ । सालपा विकास बैंक र रिलायन्स स्पिनिङ मिलको सेयर आजदेखि कारोबार सुरु भएको हो ।

नेप्सेको नयाँ व्यवस्था अनुसार दुवै आईपीओ सुरुवाती कारोबार मूल्य अधिकतम ३०० रुपैयाँ तोकिएको थियो । दुवै सेयर अधिकतम मूल्यमै कारोबार सुरु भएको थियो ।

तर, सालपा विकास बैंकले भने पहिलो सातवटा कारोबारमा सकारात्मक सर्किट लागेको छ । यो समाचार तयार पार्दासम्म उक्त बैंकको १४ वटा कारोबार भएको छ । यसको आईपीओ प्रतिकित्ता १०० रुपैयाँमा बिक्री भएको थियो ।

रिलायन्सको भने अहिलेसम्म ७ वटा कारोबार भएको छ । यो कम्पनीको मूल्य सुरुवाती कारोबार भन्दा २ प्रतिशत बढेर ३०६ रुपैयाँमा अन्तिम कारोबार भएको छ । यसको आईपीओ प्रतिकित्ता ८२० रुपैयाँमा बिक्री भएको थियो ।