वित्त आयोगको मुल्यांकनमा सुदूरपश्चिम र कोशी सरकार उत्कृष्ट

काठमाडौं- प्राकृतिक स्रोत तथा वित्त आयोगले विभिन्न ११ वटा सूचकका आधारमा गरेको अध्ययन तथा प्राप्त विवरणले यो वर्ष कार्य सम्पादनमा सुदूरपश्चिम सरकार पहिलो र कोशी दोस्रो नम्बरमा पर्न सफल भएका छन् ।

सुदूरपश्चिमले ४५ दशमलब ७० नम्बर पाएर पहिलो हुँदा कोशीले ४४ दशमलब २९ प्रतिशत नम्बर पाएको छ । त्यस्तै तेस्रो नम्बरमा वागमतीले ४२ दशमलब २६ अंक पाएको छ ।

गण्डकीले ३७ दशमलब ९१, लुम्बिनीले ३४ दशमबल ७१, कर्णालीले ३२ दशमलब २६ र मधेशले २७ दशमलब २८ अंक पाएका छन् ।

आयोगका अध्यक्ष जुद्ध गुरुङका अनुसार लेखापरीक्षणले औंल्याएको बेरुजु, सशर्त अनुदान, कर बाँडफाँट, राजश्व परिचालनलगायत विभिन्न ११ वटा सूचकका आधारमा कार्य सम्पादन अंक प्रदान गरिएको हो ।