बालअधिकारका विषय घोषणापत्रमा समावेश गर्न अनुरोध
काठमाण्डौ- बालबालिका शान्ति क्षेत्र राष्ट्रिय अभियानले बालअधिकारका विषयलाई आफ्ना घोषणापत्रमा समावेश गर्न सबै दलहरुलाई आग्रह गरेको छ ।
अभियानले बालअधिकारको रक्षासँग सम्बन्धित विषयलाई घोषणापत्रमा समावेश गर्न ध्यानाकर्षण गराउँदै राजनीतिक दलका प्रतिनिधिलाई २५ बुँदे सुझाव हस्तान्तरण गरेको छ ।
सबै पालिका, प्रदेश र सङ्घमा बालअधिकार सुनिश्चितताका निम्ति नेपालको संविधान, बालअधिकारसम्बन्धी महासन्धि, १९८९, बालबालिकासम्बन्धी ऐन, २०७५, स्थानीय सरकार सञ्चालन ऐन, २०७४, राष्ट्रिय बालबालिका नीतिको पालनामा अभियानले जोड दिएको छ ।
यसैगरी, बालमैत्री स्थानीय शासन, बालविवाहमुक्त पालिका, बालश्रममुक्त पालिका, पोषणयुक्त पालिका, वातावरणमैत्री पालिका, बाल हिंसामुक्त पालिका, सडक बालबालिकामुक्त पालिका निर्माणका साथै बालबालिकाको हकहित र अधिकारको सुनिश्चितता गर्ने विषयलाई प्राथमिकतामा राख्न अनुरोध गरिएको छ ।
ट्रेन्डिङ
सम्बन्धित
