राष्ट्रिय सभा निर्वाचन: लुम्बिनीमा सकियो मतदान, १३ जना अनुपस्थित

दाङ- लुम्बिनी प्रदेशबाट राष्ट्रिय सभामा मतदान सम्पन्न भएको छ। २९९ मतदातामध्ये २८६ मत खसेको मुख्य निर्वाचन अधिकृत प्रकाश प्रसाद पण्डितले जानकारी दिए।

लुम्बिनी प्रदेश सभाका ८३ मतदाता मध्ये ७८ जना र स्थानीय तहका २१६ मध्ये २०८ जना गरी २८६ मत खसेको हो। लुम्बिनी प्रदेश सभाका राप्रपाका ४ प्रदेश सभा सदस्य र नेपाली कांग्रेसका एकजना गरी ५ जना अनुपस्थित रहे भने स्थानीय तहका ८ जना गरी १३ मतदाता अनुपस्थित भएको मुख्य निर्वाचन अधिकृत पण्डितले बताए।

अबको केही बेरमा मतदानस्थल घोराहीस्थित कर्मचारी मिलन केन्द्रमै मतगणनाको व्यवस्था मिलाइएको छ। साढे ५ बजेसम्म अन्तिम नतिजा आउने गरी काम गरिने मुख्य निर्वाचन अधिकृत पण्डितले बताए।