गोबिन्द बल्लभ पन्त नेफ्सा अवार्ड तीन जनालाई प्रदान
काठमाडौं, २ माघ ।
त्रिभुवन विश्वविद्यालय र पुर्वाञ्चल विश्वबिद्यालयका खाद्य प्रविधिका उत्कृष्ट बिद्यार्थीलाई वार्षिक रुपमा प्रदान गरिने गोबिन्द बल्लभ पन्त नेफ्सा अवार्ड तीन जनालाई प्रदान गरिएको छ ।
शुक्रवार ललितपुरमा आयोजित एक कार्यक्रममा प्रमुख अतिथि पुर्वाञ्चल विश्वविद्यालयका पुर्व उपकुलपति प्राध्यापक जगतबहादुर केसीले उत्कृष्ट विद्यार्थीहरुलाई प्रमाणपत्र तथा विशिष्ट अतिथि डा. देवभक्त शाक्यले नगद पुरस्कार हस्तान्तरण गरे ।
नेपाल खाद्य प्रविधि बिद्यार्थी संघ (नेफ्सा) का दोश्रो कार्यकालका अध्यक्ष स्वर्गीय गोबिन्द बल्लभ पन्तको स्मृतिमा स्थापित नगद राशी सहितको यो अवार्ड त्रिभुवन विश्वविद्यालयबाट सन २०२३ का लागि श्रेया क्षेत्री महतारा र सन २०२४ का लागि मोनिका श्रेष्ठले प्राप्त गरेकी छन् । त्यसैगरी पुर्वान्चल विश्वविद्यालयबाट सन २०२३ का लागि विरता मैनालीले प्राप्त गरेकी छन् ।
कार्यक्रममा बोल्दै प्रमुख अतिथि केसीले बि.सं.। २०३० मा धरानको हात्तिसारबाट प्रारम्भ भएको खाद्य प्रविधिको उच्च शिक्षा अहिले देशका विभिन्न कलेजहरुमा अध्यापन हुँदै गरेको स्मरण गर्दै यी शिक्षण संस्थाबाट शिक्षा लिएका विद्यार्थीहरु देश र बिदेशका औद्योगिक प्रतिष्ठानहरु, शैक्षिक र अनुसन्धान निकाय र सरकारका गुणस्तर र खाद्य प्रविधि निकायमा कार्यरत रहेकोमा गर्व गरे ।
कार्यक्रममा पुरस्कृत बिद्यार्थीहरुलाई वरिष्ठ खाध बैज्ञानिक डा. देवभक्त शाक्य, स्वर्गीय पन्तका भाइ महासेनानी शिवराज पन्त (अप्रा) ले बधाई ज्ञापन गरे ।
नेपाल सरकारका पुर्वसचिव जीवनप्रभा लामा , खाद्य प्रविधि बिभागका महानिर्देशक मतिना जोशी बैद्य लगायत खाध प्रविधिका विज्ञहरु र विद्यार्थीहरु उपस्थित कार्यक्रमको संचालन नवराज दाहालले गरेका थिए । कार्यक्रम गोबिन्दबल्लभ पन्त स्मृति ट्रस्टका अध्यक्ष हिक्मत थापाको अध्यक्षतामा सम्पन्न भएको थियो ।
ट्रेन्डिङ
सम्बन्धित
