काँग्रेस कसैको प्राईभेट कम्पनी होईन- थापा

काठमाडौँ, ३० पुस ।

नेपाली काँग्रेसका महामन्त्री गगन कुमार थापाले काँग्रेस कसैको प्राईभेट कम्पनी नभएको बताएका छन् ।

नेपाली काँग्रेसले आफू र अर्का महामन्त्री विश्वप्रकाश शर्मा सहितका नेताहरुलाई साधारण सदस्य नरहने गरी कार्बाही गरेपछि थापाले यस्तो अभिव्यक्त दिएका हुन् ।

सानेपामा बुधवार बसेको कांग्रेसको देउवा पक्षीय केन्द्रीय समितिले महामन्त्रीद्वय गगनकुमार थापा र विश्वप्रकाश शर्मा र सहमहामन्त्री फरमुल्ला मन्सुरलाई साधारण सदस्यसमेत नरहने गरी कारबाही गरेको थियो । तर, कारबाही गरिनुपूर्व विधानअनुसार कसैलाई पनि सफाइको मौका दिइएको छैन ।

विशेष महाधिवेशन हलमा बोल्दै थापाले कारबाही गर्दा सामान्य स्पष्टिकरण पनि नसोधिएको बताएका छन् । उनले कांग्रेस कसैको ‘प्राइभेट कम्पनी’ नभएको भन्दै आफूमाथि गरिएको कारबाहीलाई चुनौती दिएका छन् ।