पूर्व गृहमन्त्री लेखकमाथिको विदेश भ्रमण र स्थान हद फुकुवा

काठमाडौं- पूर्व गृहमन्त्री रमेश लेखकको विदेश भ्रमण रोक र स्थान हद फुकुवा भएको छ ।

भदौ २३ र २४ गतेको घटना छानविन गर्न गठिन जाँचबुझ आयोगले पूर्वगृहमन्त्री लेखकको विदेश भ्रमण रोक र स्थान हद फुकुवा गर्ने निर्णय गरेको हो ।

आयाेगले भदाै २३ र २४ गतेका घटनाहरुको छानविन तथा जाँचबुझको सिलसिलामा अनुसन्धानको दायरामा रहेका पूर्व माननीय गृह मन्त्री रमेश लेखकको विदेश भ्रमणमा रोक्का लगाउने र आयोगको स्वीकृति बेगर काठमाडौँ उपत्यका छाड्न नपाउने निर्णय गरेकाे थियाे ।

उक्त निर्णय उपर लेखककाे बयान सकिएकाले  विदेश भ्रमण र उपत्यका छाड्न नपाउने व्यवस्था फुकुवा गर्ने   निर्णय भएकाे आयाेगले जनाएकाे छ ।

आयाेगले  लेखककाे  भ्रमण र स्थानहद फुकुवा गरेकाे निर्णय प्रधानमन्त्री कार्यालय, गृह मन्त्रालयलगायतका सम्बन्धित निकायमा  जानकारी गराएकाे छ । भदाै २३ गतेको घटना हुँदा लेखक गृहमन्त्रीको जिम्मेवारीमा रहेकाले घटनाकाे छानविन गर्न आयाेगले उनकाे बयान लिएकाे थियाे ।