इस्वी संवतको नयाँ वर्ष २०२६ को स्वागतमा देशका विभिन्न ठाउँमा कार्यक्रम

काठमाण्डौ- इस्वी संवतको नयाँ वर्ष सन् २०२६ को स्वागतमा देशका विभिन्न ठाउँमा कार्यक्रम भएका छन् । प्रमुख पर्यटकीय ठाउँ तथा मुख्य शहरहरुमा सांगीतिक तथा मनोरञ्जनात्मक कार्यक्रमहरु आयोजना गरिएको छ ।

विषेशगरी काठमाण्डौको ठमेल, भक्तपुरको नगरकोट, कास्कीको पोखरा, चितवनको सौराहा, सुनसरीको धरान, मोरङको विराटनगर, कैलालीको धनगढी, तनहुँको बन्दीपुरलगायत शहरहरुमा हर्सोल्लासका साथ नयाँ वर्षको स्वागत गरिएको छ ।

घुम्न आएका बाह्य पर्यटक पनि नयाँ वर्षका विभिन्न सांंगीतिक कार्यक्रममा रमाएका छन् । विषेशगरी युवा पुस्तामा यसको प्रभाव बढी देखिन्छ । पर्यटकीय क्षेत्रका शहरहरुका होटल भरिभराउ भएका छन् ।

येशु ख्रिस्टको जन्म वर्षलाई आधार मानेर विकसित गरिएको ग्रेगोरियन पात्रोअनुसार नयाँ वर्ष मनाउने चलन विश्वव्यापी रूपमा फैलिँदै गएको छ ।