जेन जीमाथिको दमनको निष्पक्ष छानबिन गर्न संयुक्त राष्ट्र संघीय मानव अधिकार आयोगको माग

काठमाण्डौं, २४ भदौ ।
काठमाडौं । संयुक्त राष्ट्र संघीय मानव अधिकार आयोगले सरकारद्धारा जेन जीको आन्दोलनमाथि भएको दमन र मृत्युको घट्नामा तत्काल निष्पक्ष छानबिनको माग गरेको छ ।

प्रवक्ता रविना समदसानीले जेनजी आन्दोलनमा भएको दमन र मृत्युको घट्नाले आफू स्तब्ध भएको बताउदै त्यसको तुरुन्त निष्पक्ष छानबिनको माग गरेकी हुन् ।

उनले भिडिओ सन्देशमा आधारभूत सिद्धान्तका आधारमा समस्याको समाधान गनुपर्नेमा जोड दिदै युवाहरुको मागलाई संवादमार्फत सम्बोधन गर्न आग्रह गरेकी छन् ।

युवा समूहहरूले भ्रष्टाचार र हालै सरकारले सामाजिक सञ्जालमाथिको प्रतिबन्धको विरोधमा आयोजित प्रदर्शनहरूमा सुरक्षा बलहरूले अनावश्यक वा असमानुपातिक बल प्रयोग गरेको भनी गम्भीर चिन्ताजनक आरोपहरू प्राप्त गरेको उनले भिडिओ सन्देशमा खुलाएकी छन् ।

सरकारलाई शान्तिपूर्ण भेला हुने स्वतन्त्रता र अभिव्यक्ति स्वतन्त्रताको अधिकारको सम्मान र सुनिश्चितता गर्न उनले आह्वान गरेकी छन् ।

सबै सुरक्षा बलहरूले कानून प्रवर्तन अधिकारीहरूद्वारा बल र हतियारको प्रयोगसम्बन्धी आधारभूत सिद्धान्तहरूको पालना गर्नु पर्ने संयुक्त राष्ट्र संघीय मानव अधिकार आयोगकी प्रवक्ता रविना समदसानीले बताएकी छन् ।

यस्ताे छ उनकाे सम्बाेधन:

नेपालमा भएको प्रदर्शनकारीमाथिको दमन र मृत्यले हामी स्तब्ध छौँ र तुरुन्तै निष्पक्ष छानबिनको माग गर्दछौँ । हामीले युवा समूहहरूले भ्रष्टाचार र हालै सरकारले सामाजिक सञ्जालमाथिको प्रतिबन्धको विरोधमा आयोजित प्रदर्शनहरूमा सुरक्षा बलहरूले अनावश्यक वा असमानुपातिक बल प्रयोग गरेको भनी गम्भीर चिन्ताजनक आरोपहरू प्राप्त गरेका छौँ ।

हामी सरकारलाई शान्तिपूर्ण भेला हुने स्वतन्त्रता र अभिव्यक्ति स्वतन्त्रताको अधिकारको सम्मान र सुनिश्चितता गर्न आह्वान गर्दछौँ । सबै सुरक्षा बलहरूले कानून प्रवर्तन अधिकारीहरूद्वारा बल र हतियारको प्रयोगसम्बन्धी आधारभूत सिद्धान्तहरूको पालना गर्नुपर्छ ।

नेपालले जीवन्त लोकतन्त्रको अभ्यासमा छ जसमा संवाद नै युवाहरूको चिन्तालाई सम्बोधन गर्ने उत्तम माध्यम हो । हामी सामाजिक सञ्जाललाई नियमन गर्ने उपायहरूको पुनर्विचार गर्न आग्रह गर्दछौँ ताकि नेपालको मानव अधिकार बचिरहोस् ।