एनपीएल: पोखरालाई विराटनगरको १४० रनको टार्गेट

काठमाडौं । नेपाल प्रिमियर लिग (एनपीएल) अन्तरगत जारी खेलमा विराटनगर किंग्सले पोखरा एभेन्जर्सलाई १४० रनको लक्ष्य पेश गरेको छ। टस जितेर पहिले ब्याटिङ गरेको विराटनगरले निर्धारित ओभरमा ७ विकेट गुमाएर १३९ रन बनायो।

एडवार्डले सर्वाधिक ४५ रन बनाए । यस्तै लोकेश बमले २६, निकोलस किर्तनले १९ रन बनाए भने बसिर अहमदले २१ रन जोडे।पोखराका लागि सागर ढकाल र रेमोन रेइफरले २ -२ विकेट लिए । यस्तै कुशल भुर्तेल र दिनेश खरेलले १ -१ विकेट लिए।

पोखरा र विराटनगर दुवैकालागि यो पाँचौ खेल हो। दुवै टोलीले अहिलेसम्म चारमध्ये एउटामात्र खेल जितेका छन्। दुवैको समान २ अंक छ। दुवै टोली आज जितको दबाबमा छन्।