कालिकोटमा बोलेरो दुर्घटनामा ७ को मृत्यु,१३ घाईते
सुर्खेत, २६ कार्तिक ।
कालिकोटको पलाता गाउँपालिका–३ राडुनेटामा आईतवार कर्णाली १ ज ५६ नम्बरको बोलेरो दुर्घटना हुदा सात जनाको मृत्यु भएको छ भने १३ जना घाईते भएका छन् ।
छ जनाको घट्नास्थलमा र एक जनाको उपचारका क्रममा प्रदेश अस्पताल सुर्खेतमा उपचारका क्रममा मृत्यु भएको हो ।
मृत्यु हुनेमा पलाता–६ की दशकला शाही, पदम बम, भगवती रोकाया र गणेश शाही, पलाता–५ की छाया शाही, पलाता–३ का दमन रोकाया र सल्यान घर भएका ४५ वर्षीय चालक धनीराम रावत रहेको प्रहरीले जनाएको छ ।
प्रहरीका अनुसार घाईते हुनेमा पलाता–६ का केशव थापा, किशोर थापा, विजय थापा, रिदम शाही, प्रतीक्षा शाही, आशिष रोकाया र भूपेन्द्र रोकाया, पलाता–५ का दोली विक र आयुशा विक, पलाता–३ का दानबहादुर रोकाया, निर्मला रोकाया र जगत रोकाया रहेका छन् । उनीहरुलाई उपचारका लागि सेनाको हेलिकोप्टरबाट प्रदेश अस्पताल सुर्खेत लगिएको छ ।
कर्णाली प्रदेश प्रहरी कार्यालयका अनुसार कालिकोटको खिनबाट पलाता जाँदै गरेको बोलेरो दुई वर्षअघि ट्र्याक खुलेको सडकको उकालो चढ्न नसकेर दुर्घटनामा परेको हो । बोलेरो सडकबाट पाँच सय मिटर तल खसेको थियो ।
दुर्घटना हुदा बोलेरोमा क्षमता भन्दा तीन गुणा बढि यात्रु सवार थिए । पाँच यात्रु सिट पास भएको उक्त बोलेरोमा चालकसहित २० जना सवार थिए ।
ट्रेन्डिङ
सम्बन्धित
