रास्वपाले सच्यायो निर्वाचित केन्द्रीय सदस्यको सूची

काठमाडौं – सत्तारूढ राष्ट्रिय स्वतन्त्र पार्टी (रास्वपा) ले प्रथम महाधिवेशनबाट निर्वाचित केन्द्रीय समितिका सदस्यहरूको अद्यावधिक अन्तिम नामावली सार्वजनिक गर्दै प्राविधिक त्रुटि सच्याएको जनाएको छ।

रास्वपाको केन्द्रीय निर्वाचन आयोगले सार्वजनिक गरेको संशोधित सूचीमा पूजा बास्तोला र ध्रुवकुमार थापा मगरलाई केन्द्रीय सदस्यमा निर्वाचित घोषणा गरिएको छ। यससँगै सोम शर्मा र कृष्णमान श्रेष्ठ केन्द्रिय सदस्यबाट बाहिरिएका छन्।

त्यस्तै प्रादेशिक ९भूगोल० तर्फ गण्डकी प्रदेशको मतपरिणाममा पनि त्रुटि भएको भन्दै आयोगले स्वीकार गरेको छ। पुनः परीक्षणपछि पूजा बास्तोला निर्वाचित हुनुपर्नेमा गल्तीवश सोम शर्मालाई विजयी घोषणा गरिएको देखिएपछि बास्तोलालाई निर्वाचित घोषणा गरिएको आयोगले जनाएको छ।

पूजा बास्तोलाले मतगणनामा गडबडी भएको भन्दै निर्वाचन आयोगमा उजुरी दिएकी थिइन्। आफूभन्दा कम मत प्राप्त उम्मेदवारलाई विजयी घोषणा गरिएको बताएकी थिइन्।