रुवान्डालाई नेपालले दियाे १०४ रनकाे लक्ष्य
काठमाण्डाै- आईसीसी महिला टी–२० च्यालेन्ज ट्रफी क्रिकेटमा नेपालले घरेलु टोली रुवान्डालाई १०४ रनको लक्ष्य दिएको छ ।
टस जितेर ब्याटिङ गरेको नेपालले २० ओभरमा ७ विकेट गुमाएर १०३ रन बनायो । नेपालकी कप्तान इन्दु बर्माले ३३, कविता कुँवरले २४ रन बनाइन् । रुवान्डाकी हेनरिएट इशिम्वेले ३ विकेट लिइन् ।
प्रतियोगितामा नेपालको यो छैटौँ खेल हो । पहिलो खेलमा अमेरिकासँग पराजित भएको नेपालले दोस्रो खेलमा इटाली र तेस्रो खेलमा रुवान्डालाई हराएको थियो । यस्तै नेपाल चौथो खेलमा भानुआतुसँग र पाँचौँ खेलमा अमेरिकासँग पराजित भएको थियो ।
अन्तर्राष्ट्रिय क्रिकेट परिषद् (आईसीसी) ले पहिलो पटक आयोजना गरेको प्रतियोगितामा आयोजक रुवान्डासहित नेपाल, अमेरिका, इटाली र भानुआतु सहभागी छन् । सबै टोलीले एकअर्कासँग दुई पटक खेल्नेछन् ।
अङ्क तालिकाको शीर्ष स्थानमा रहने टोली विजेता बन्नेछ । प्रतियोगिता आउँदो शुक्रवारसम्म चल्नेछ ।
ट्रेन्डिङ
सम्बन्धित
