नेपालले यूएईलाई दियो २०१ रनको लक्ष्य

काठमाडौँ- आइसिसी क्रिकेट विश्वकप लिग –२ मा युनाइटेड अरब इमिरेट्सविरुद्ध  २०१ रनको लक्ष्य प्रस्तुत गरेको छ ।

उपकप्तान दिपेन्द्र सिंह ऐरीको अर्धशतकप्रेरित नेपालले  ४८.२ ओभरमा १० विकेट गुमाउँदै उक्त लक्ष्य दिएको हो । नेपालले सबै विकेट गुमाएर २०० रन बनाएको थियो । नेपालको निम्ति उपकप्तान दीपेन्द्रसिंह ऐरीले ७५ रनको अर्धशतकीय इनिङ खेले ।दीपेन्द्रले ९० बलमा पाँच चौका र दुई छक्का प्रहार गरे ।

उनले आठौँ विकेटको निम्ति करण केसीसँग ४२ रनको साझेदारी गरेका थिए । धरमाएको नेपालको ब्याटिङले  ऐरीको इनिङबाट लय लिएको थियो । ओपनर कुशल भुर्तेलले २४ रन जोडे । करण केसीले २२, बसिर अहमादले २०, आरिफ शेख र सोमपाल कामीले समान १५ र भीम सार्कीले १० रन बनाए ।

यूएईका अजय कुमार र जुनैद सिद्धिकीले समान तीन विकेट लिए । खुजैमा तनविरले दुई विकेट लिँदा हैदर अली र मोहम्मद शहदादले समान एक विकेट लिए । खेलमा दुवै टोली विजयी सुरुआतको खोजीमा छन् ।

तालिकाको पुछारमा रहेका यी दुवै लिग–२ मा खराब लयमा छन् । तालिकामा घरेलु टोली १२ अंकका साथ सातौँ स्थानमा छ । नेपालले २० खेल खेल्दा पाँच जित र १३ हार व्यहोरेको छ ।

नेपालको दुई खेल भने रद्द भएको थियो । यूएई भने समान खेल खेल्दा १० अंकका साथ तालिकाको आठौँ स्थानमा छ । यूएईले २० खेल खेल्दा पाँच जित र १५ हार व्यहोरेको छ ।