नेपाललाई रुवान्डाले दियो ८९ रनको लक्ष्य

काठमाडौं । रुवान्डाले अन्तर्राष्ट्रिय क्रिकेट काउन्सिल (आईसीसी) महिला च्यालेन्ज ट्रफीमा नेपाललाई ८९ रनको लक्ष्य प्रस्तुत गरेको छ ।

बुधबार घरेलु मैदान गाहांगा ‘बी’ क्रिकेट मैदानमा टस जितेर ब्याटिङ रोजेको रुवान्डा पाहुना टोलीविरुद्ध १९.४ ओभरमा ८८ रनमै समेटियो ।

रुवान्डाको निम्ति एलिक इकुज्वीले १७ रन बनाइन् । मेरी डीआने बिमेन्यीमानाले १५, क्लारिस उमोटोनिवासेले १३ र रोजिनी आईरेराले १२ रन बनाए । यसबोहक कुनै पनि खेलाडीले दोहोरो अंकमा रन जोड्न सकेनन् ।

नेपालकी रुविना क्षेत्रीले सर्वाधिक तीन विकेट लिइन् । कविता कुँवर र पूजा महतोले समान दुई विकेट लिँदा मनिषा उपाध्याय र रिया शर्माले समान एक विकेट लिए ।

खेलमा रुवान्डा लगातार तेस्रो जित निकाल्ने लक्ष्यमा छ । तालिकाको शीर्ष स्थानमा रहेको रुवान्डाले तीन खेल खेल्दा दुई जित र एक हार व्यहोरेको छ । अन्तिम खेल खेलिरहेको यो टोलीले तालिकामा चार अंक जोडेको छ ।

नेपाल भने लगातार दोस्रो जितको खोजिमा छ । तालिकाको चौथो स्थानमा रहेको नेपालले दुई खेल खेल्दा समान एक जित र हार व्यहोरेको छ ।