गृहमन्त्री गुरूङले पिर्के सलामी नलिने

काठमाडौं– गृहमन्त्री सुधन गुरूङले पिर्के सलामी नलिने निर्णय गरेका छन्। औपचारिक कार्यक्रममा नेपाल प्रहरीले उच्च ओहदाका व्यक्तिलाई पिर्कामा चढाएर सलामी दिने गरिए पनि गृहमन्त्री गुरूङले भने आफू पिर्कामा नजाने निर्णय गरेका हुन्।

आइतबार नवलपुरको सशस्त्र प्रहरी बलको कार्यालय पुगेका गृहमन्त्री गुरूङले पिर्के सलामी नलिने निर्णय गरेको उनको सचिवालयले जनाएको छ। गृहमन्त्री गुरुङलाई डीएसपी लक्ष्मण बरालले स्वागत गरेका थिए।

उक्त समारोहमा नवलपुरका सहायक सीडीओ चिरन्जिबी राना,एसपी युवराज खड्का,अनुसन्धानका एपसी अभिनय कुमार सिंहलगायत सहभागी थिए।