कांग्रेस संसदीय दलको चुनाव वैशाख ४ गते हुने

नेपाली कांग्रेस संसदीय दल नेता चयनका लागि वैशाख ४ गते निर्वाचन हुने भएको छ।

वैशाख ४ गते निर्वाचन गर्ने गरी कार्यतालिका ल्याउने तयारी छ।

सहमहामन्त्रीसमेत रहेका निर्वाचन समितिका संयोजक प्रकाश रसाइली ‘स्नेही’ ले वैशाख २ गते संसदीय दल नेता चयनबारे निर्वाचन कार्यतालिका ल्याइने बताए।

‘निर्वाचन समितिले वैशाख २ गते निर्वाचन कार्यतालिका ल्याउँछ, ४ गते निर्वाचन हुन्छ,’ उनले भने, ‘सर्वसम्मत नभए प्रतिस्पर्धाद्वारा संसदीय दल नेता चयन हुन्छ।’

प्रतिनिधि सभामा कांग्रेसका ३८ जना सांसद छन्।

कांग्रेसमा पूर्वसहमहामन्त्रीहरू अर्जुननरसिंह केसी, भीष्मराज आङ्देम्बे, सांसदहरू मोहन आचार्य, निश्कल राई, बासना थापालगायत संसदीय दल नेताका आकांक्षी छन्।