प्रधानमन्त्री शाहले गराए स्वास्थ्यमन्त्री मेहतालाई सचेत

काठ्माण्डौ- प्रधानमन्त्री बालेन्द्र शाहले स्वास्थ्य तथा जनसंख्यामन्त्री निशा मेहतालाई सचेत गराएका छन्।

आफ्नो विभागीय जिम्मेवारी निर्वाह गर्ने क्रममा अपेक्षित गम्भीरता नदेखाएको निष्कर्षसहित प्रधानमन्त्री शाहले उनलाई सचेत गराएका हुन्।

राष्ट्रिय स्वतन्त्र पार्टी (रास्वपा) का सभापति रवि लामिछानेले गम्भीर विषयमा पदीय दायित्व पूरा गर्न नसकेको भन्दै मन्त्री मेहतालाई सचेत गराउन प्रधानमन्त्रीसमक्ष सिफारिस गरेका थिए।

सभापति लामिछानेको लिखित सिफारिसका आधारमा प्रधानमन्त्री शाहले मन्त्री मेहतालाई विभागीय कामकारबाहीमा गम्भीर बन्न सचेत गराएका हुन्।