बागमतीले कर्णालीलाई हरायो

काठमाडौं। प्रधानमन्त्री एकदिवसीय क्रिकेट प्रतियोगितामा बागमतीले कर्णाली प्रदेशलाई पराजित गरेको छ ।

जनकपुरको रामजानकी बहुउद्देश्यीय स्टेडियममा १८१ रनको लक्ष्य पछ्याएको कर्णाली २५.१ ओभरमा १२० रनमा अलआउट भएको हो । बागमतीको यो दोस्रो जित हो ।

कर्णालीका लागि निश्चल रावलले ३१ र दिनेश अधिकारीले २२ रन बनाए ।

बागमतीका लागि कप्तान सन्दीप लामिछानेले ७ विकेट लिए । उनले ९.१ ओभरमा ४० रन खर्चेर ७ विकेट लिए । सो क्रममा उनले १ मेडन ओभर पनि फाले । रिजन ढकाल, प्रतिश जिसी र सुवास खत्रीले १–१ विकेट लिए ।

पहिले ब्याटिङ गरेको बागमती ३८.४ ओभरमा १८० रनमा अलआउट भएको थियो ।

बागमतीका लागि विवेक मगरले अर्धशतकीय पारी खेले । उनले ८० बलमा २ चौका र ४ छक्क प्रहार गरे । इशान पाण्डेले २७, पवन थापाले २२ र शुभ कंशकारले २० रन बनाए ।

कर्णालीका लागि दिवान पुनले ३ विकेट लिए । निश्चल रावल, प्रकाश जैसी र दीपेन्द्र रावतले २–२ विकेट लिए ।