नेकपा एमाले संसदीय दलको बैठक सुरु

काठमाडौं- नेकपा एमाले संसदीय दलको बैठक सुरु भएको छ। बिहीबार बजेट अधिवेशनको पहिलो बैठक आह्वान गरेपछि एमालेको संसदीय दलको बैठक आज बसेको हो।

बैठकमा उपाध्यक्ष रामबहादुर थापा बादल, विष्णु पौडेल, पृथ्वीसुब्बा गुरुङ, महासचिव शंकर पोखरेल लगायतका नेता पनि सहभागी छन्।

बैठकले संसदीय दलको नेता, प्रमुख सचेतक र सचेतकको टुंगो लगाउने सम्भावना छ । एमाले र कांग्रेसले संसदीय दल र प्रमुख सचेतक अझै चयन गरेका छैनन्।

एमालेले गत निर्वाचनमा प्रत्यक्षतर्फ ९ र समानुपातिकतर्फ १६ सिटसहित २५ जना सिट जितेको छ। बैठकमा पार्टीका शीर्ष नेताले सांसदहरूलाई पार्टीको नीति र संसद्मा निर्वाह गर्नुपर्ने भूमिकाका बारेमा जानकारी गराउने तयारी छ।