हार्दिक पाण्ड्यालाई भारतीय झण्डाको अपमान गरेको भन्दै मुद्दा

काठमाडौं : भारतीय झण्डा ओढेर प्रेमिकालाई मैदानमै चुम्बन गरेपछि भारतीय क्रिकेटर हार्दिक पाण्ड्यामाथि मुद्दा दायर भएको छ ।

वकिल वाजिद खानले भारतीय झण्डाको अपमान गरेको भन्दै पाण्ड्याविरुद्ध मुद्दा दर्ता गरेका हुन् ।

उनले पुणेस्थित शिवाजी नगर पुलिस स्टेशनमा मुद्दा दर्ता गरेका छन् । टी–२० विश्वकप २०२६ को फाइनलमा न्यूजिल्याण्डलाई हराएपछि भारतीय अलाराउण्डर हार्दिकले प्रेमिका माहिका शर्मासँग चुम्बन गरेको र भारतीय झण्डा गलामा पहिरिँदै दुवै जना सँगै पल्टिएको विषयलाई वकिल खानले झण्डाको गरिमामाथि ठेस पुर्‍याएको भन्दै मुद्दा दर्ता गरेका हुन् ।

भारतीय मिडियाका अनुसार खानले भारतीय संविधान १९७१ राष्ट्रिय झण्डाको ऐन अन्तगर्तको धारा २ मा राष्ट्रिय झण्डाको गरिमाको सम्मानको विषयलाई आधार मान्दै उनले मुद्दा दायर गरेका हुन् ।