रास्वपा दुई तिहाई नजिक, दोस्रोमा काँग्रेस(कसको कति सिट विस्तृतमा)
काठमाण्डौं, २६ फागुन ।
प्रत्यक्षपछि समानुपातिक तर्फको मतगणना सकिन लाग्दा रास्वपा दुई तिहाई बहुमतको नजिक पुगेको छ । रास्वपाको प्रत्यक्षतर्फ १२५ र समानुपातिक तर्फ ५८ गरी १८३ सिट पुग्ने देखिएको छ । यो संख्या दुई तिहाई पुग्न एक सिट कम हो ।
त्यस्तै काँग्रेसको प्रत्यक्ष तर्फ १८ र समानुपातिक तर्फ १९ गरी ३७ सिट पुग्ने देखिन्छ । तेस्रोमा रहेको नेकपा एमालेले प्रत्यक्ष तर्फ ९ र समानुपातिक तर्फ १६ गरी २५ सिट पुर्याउने देखिएको छ ।
चौथो स्थानमा रहेको नेपाल कम्युनिष्ट पार्टीले प्रत्यक्षमा ८ र समानुपातिकमा ९ गरी १७ सिटमा समेटिएको छ ।
चुनावकै मुखमा स्थापना भएको श्रम संस्कृति पार्टीले प्रत्यक्षमा ३ र समानुपातिक ४ सिट पाएको छ । त्यस्तै राप्रपा र स्वतन्त्रले प्रत्यक्षमा एक एक सिट जितेको छ ।
समानुपातिक तर्फ कुन पार्टीले कति मत पायो ?
रास्वपा ४,९३२,२७८ (४८.०८%)
कांग्रेस १,६६८,९७८ (१६.२७%)
एमाले १,३८६,४३१ (१३.५१%)
नेकपा ७४९,३६६ (७.३०%)
श्रम संस्कृति ३४६,७९६ (३.३८%)
राप्रपा ३२२,०४० (३.१४%)
जसपा, नेपाल १६८,५३७ (१.६४%)
राष्ट्रिय परिवर्तन पार्टी १६४,७३२ (१.६१%)
जनमत ७५,३१३ (०.७३%)
जम्मा गणना भएको मतसंख्या : १०,२५९,५००
ट्रेन्डिङ
सम्बन्धित
