कैलाली ३ मा रास्वपाका जगत जोशी भारी मतले विजयी

यशोदा शर्मा,

कैलाली ।कैलाली क्षेत्र नम्बर ३ मा रास्वपाका जगत जोशी भारी मतान्तरले विजय भएका छन्। आफ्ना निकटतम प्रतिद्वन्दी नेपाली कम्युनिस्ट पार्टीका वीरमान चौधरीलाई ८ हजार ३७६ मतले पछि पार्दै जोशी विजय भएका हुन्।
उनले २० हजार ३५९ मत प्राप्त गर्दा नेकपाका चौधरीले ११ हजार ९८३ मत प्राप्त गरेका हुन्।
यस्तै नेपाली कांग्रेसका बलियो उम्मेदवार मानिएका भीम बडुवाल तेस्रो स्थानमा झरेका छन्। उनले ९ हजार ७०६ मत प्राप्त गरेका छन्। नागरिक उन्मुक्ति पार्टी नेपालका विक्रम चौधरीले ६ हजार ७४७ मत ल्याएका छन्।
यो क्षेत्रमा नेकपा एमाले चौथो स्थानमा झरेको छ। एमाले उम्मेदवार गौरीशंकर चौधरीले ४ हजार ७५२ मत ल्याएका छन् भने राष्ट्रिय प्रजातन्त्र पार्टीका वीरेन्द्र बहादुर बमले २०३४७ मत प्राप्त गरे।