मतदाता घर पर्किएपछि सुनसान धनगढी

यशोदा शर्मा,

कैलाली । सुदूरपश्चिमको अस्थायी राजधानि धनगढी प्रदेशकै व्यस्त बजार हो । झन चुनाव नजिकिए सँगै त धनगढीका चोक चोकमा भिडभाड देखिन्थ्यो । चिया नास्ता पसलका व्यापारी व्यस्त देखिन्थे ।
तर मौन अवधि सुरु भएपछि धनगढी सुनसान छ । बजारका कुनै ठाउँमा पनि मानिसको जमघट देखिदैन । पहाडी जिल्लाका मतदाता घर फर्किएका छन् भने कैलालीकै अन्य ठाउका मतदातले पनि धनगढी छोडेका छन् ।
कैलालीको कैलारी गाउँपालिकाकी धना चौधरी मतदान गर्न घर फर्किएकी छिन् । क्षेत्र नम्बर ३ की मतदाता उनले धनगढी बस्ने धेरै साथिहरु घर फर्किएको बताइन् ।
यस्तै कैलालीको क्षेत्र नम्वर २ की मतदाता रेखा चौधरी पनि उत्साहित भएर धनगढीबाट घर फर्किंदै छिन् । उनले आफ्नो निर्वाचन क्षेत्रमा यस पटक युवा उम्मेदवार उठेकाले भोट हाल्न आफु उत्साहित भएको बताइन् ।
‘म मात्र होइन सबै मतदाताहरु भोली भोट हाल्न खुसी छन्, विशेष निर्वाचन हो, कस्तो नतिजा आउँछ नतिजा हेर्न झन् उत्साहित छौ,” उनले भनिन् ।
कैलाली भित्रका मात्र होइनन् जिल्लाबाट बाहिरिनेको संख्या पनि ठुलो छ । बझाङका बिष्णु बोहरा हिजो मात्रै मतदान गर्न गृह जिल्ला फर्किए । अध्यनका लागि धनगढी बस्ने उनी सँगै ७ जना घर फर्किएका हुन् ।
टा«फिक प्रहरी कार्यालय कैलालीका प्रमुख चक्र बहादुर देउवाले जिल्लाबाट कति बाहिरिए भन्ने एकिन तथ्यांक नभएको बताए । तर जिल्लाबाट पहाडी जिल्लाहरुमा जानेको संख्या धेरै रहेको उनको भनाइ छ ।
‘पछिल्लो ३/४ दिनमा कैलालीबाट बाहिरिएको प्रत्यक बसहरु प्याक देखिन्थे । जिल्लाबाट बाहिरिनेको संख्या बढी छ,” उनले भने ।