पश्चिम टुडेका सम्पादक खेम राज उपाध्याय सम्मानित

धनगढी । युनिक मोडर्न एकेडेमी धनगढीले “१८ औं वार्षिकोत्सव तथा अभिभावक दिवस कार्यक्रम”मा पश्चिम टुडे राष्ट्रिय दैनिकका सम्पादक खेम राज उपाध्यायलाई सम्मान गरेको छ ।

कार्यक्रमका प्रमुख अतिथि सुदूरपश्चिम साहित्य समाज धनगढीका अध्यक्ष मदन पुरस्कार विजेता राम लाल जोशीले सम्पादक उपाध्यायलाई प्रशंसा पत्र सहित सम्मान गर्नुभएको हो ।

विद्यालयले १८ औं वार्षिकोत्सव तथा अभिभावक दिवसको अवसरमा “दुई दशक देखि पत्रकारिताका माध्यमबाट सुदूरपश्चिम प्रदेशको सामाजिक, आर्थिक, शैक्षिक विकास” का लागि पुर्याएको योगदानको उच्च कदर गर्दै सम्पादक उपाध्याय सम्मानित हुनुभएको हो ।