वेस्ट इन्डिजसँगको खेलअघि कप्तान पौडेल बिरामी

मुम्बई : नेपाली राष्ट्रिय टिमका कप्तान रोहित कुमार पौडेललाई स्वास्थ्य समस्या देखिएको छ।

आइसीसी टी२० विश्वकप २०२६ को दुई खेल सकिएपछि रोहितलाई ज्वरोसँगै पेटमा समस्या भइरहेको प्रशिक्षक लले वेस्ट इन्डिजसँगको प्रि म्याच प्रेस कन्फ्रेन्समा बताए। ‘रोहितलाई ज्वरो आएको छ। उनलाई पेटमा पनि केही समस्या देखिएको छ। तर भोलिको खेलमा उनी ठीक हुने आशा गरिएको छ।’

नेपाली राष्ट्रिय क्रिकेट टोलीले तेस्रो खेल अगाडी वानखेडे स्टेडियममा गरेको अभ्यासमा रोहित टिममा देखिएनन्। त्यसैलाई लिएर पत्रकारले गरेको प्रश्नमा प्रशिक्षक लले बिरामी भएको जानकारी गराएका हुन्।