सुन तोलामा १४ हजार ४ सय बढ्यो

काठमाडौं- नेपाली बजारमा आज (बुधवार) पनि सुनचाँदीको मूल्य उकालो लागेको छ । मंगलवार प्रतितोला तीन हजार सात सय रुपैयाँले बढेको सुनको भाउ आज थप १४ हजार चार सय रुपैयाँले वृद्धि भएको हो ।

नेपाल सुन-चाँदी व्यवसायी महासंघका अनुसार आज सुन प्रतितोला तीन लाख चार हजार सात सय रुपैयाँमा कारोबार भइरहेको छ। यसअघि मंगलवार सुन दुई लाख ९० हजार तीन सय रुपैयाँमा किनबेच भएको थियो ।

सुनसँगै चाँदीको मूल्य पनि बढेको छ। मंगलवार तोलामा पाँच हजार तीन सय ३५ रुपैयाँमा कारोबार भएको चाँदी बुधवार पाँच हजार ६ सय रुपैयाँ पुगेको छ । अघिल्लो दिनको तुलनामा चाँदी प्रतितोला दुई सय ६५ रुपैयाँले महँगिएको हो ।