एएफसी यू–२३ एशियन कप छनोटका लागि नेपालको खेल तालिका सार्वजनिक

काठमाण्डाै – ताजकिस्तानमा हुने एएफसी २३ वर्षमुनिको एशियन कप छनोटका लागि नेपालको खेल तालिका सार्वजनिक भएको छ ।

प्रतियोगितामा नेपाल समूह ‘के’ मा छ । नेपालले यही भदौ १८ गते घरेलु टोली ताजकिस्तानसँग खेल्दै प्रतियोगिताको शुरुआत गर्नेछ । यस्तै नेपालले दोस्रो खेलमा भदौ २१ गते सिरिया र समूह चरणको तेस्रो तथा अन्तिम खेलमा भदौ २४ गते फिलिपिन्ससँग खेल्नेछ ।

नेपालको सबै खेल ताजकिस्तानको राजधानी दुशान्बेमा रहेको पामिर रङ्गशालामा हुनेछ ।

एएफसी २३ वर्षमुनिको एशियन कप छनोटका लागि अखिल नेपाल फुटबल सङ्घ (एन्फा) ले यसअघि नै टोली घोषणा गरिसकेको छ ।