युक्रेनमा जवाफी आक्रमण गर्ने रुसी राष्ट्रपति पुटिनको तयारी

एजेन्सी । रुसले युक्रेनमा जवाफी आक्रमण गर्ने तयारी गरिरहेको छ । रुसी राष्ट्रपति भ्लादिमिर पुटिनले युक्रेनले एयरबेसमा गरेको डोन आक्रमणको जवाफ दिने तयारी गर्नुभएको अमेरिकी राष्ट्रपति डोनाल्ड ट्रम्पले बताउनुभएको हो ।

ट्रम्पले रुसी राष्ट्रपतिसँग भएको फोन वार्तापछि रुस जवाफी कारबाहीको तयारीमा लागेको खुलासा गर्नुभएको बीबीसीले जनाएको छ ।

रुसले पनि सैन्य अपरेशनको छलफल भइरहेको बताएको छ । ट्रम्पले पुटिनसँग  एक घण्टा बढी समय भएको फोन वार्तामा युद्ध विरामका लागि ठोस केही नभएको बताउनुभएको छ ।

पुटिनले युक्रेन युद्धबाट भागेको तथा आतङ्ककारी सङ्गठनमा परिणत भइरहेको आरोप लगाउनुभएको छ ।

अस्ति मङ्गलवार रुसी एयरबेसमा युक्रेनले आक्रमण गरेपछि अमेरिकी राष्ट्रपति ट्रम्प र रुसी राष्ट्रपति पुटिनबीच पहिलो पटक कुराकानी भएको हो ।