रोनाल्डोले राष्ट्रिय टोलीमा डेब्यु गर्दा जन्मिएकै थिएनन् यमल

काठमाडौं । भरै राति पौने १ बजे हुने पोर्चुगल र स्पेन आमनेसमाने हुँदैछन् । यी दुईमध्ये एक टोलीले क्वार्टरफाइनलको यात्रा तय गर्नेछ भने एक टोली घर फर्किँदैछ ।

यो खेलको सबैभन्दा रोचक पक्ष त के छ भने पोर्चुगलका सुपरस्टार क्रिस्टियानो रोनाल्डोभन्दा स्पेनमा स्टार लामिन यमल २२ वर्ष ५ महिना ८ दिन कान्छा छन् । रोनाल्डो ४१ वर्ष ५ महिना १ दिनका भए भने यमल १८ वर्ष, ११ महिना २३ दिनका भए ।

रोनाल्डोले सन् २००३ मा राष्ट्रिय टोलीमा डेब्यु गर्दा यमल जन्मिएकै थिएनन् । त्यसको चार वर्षपछि सन् २००७ मा मात्र यमल जन्मिएका हुन् । आजको खेलमा संन्यासको संघारमा रहेका सुपरस्टार र विश्व फुटबलमा उदाउँदा स्टारबीचको भिडन्त रोचक हुने आँकलन गरिएको छ ।

यमल मात्र होइन, स्पेनमो सिंगो टोली नै तुलनात्मक रूपमा पोर्चुगलभन्दा युवा छ । यमल, पाउ कुबार्सी, निको विलियम्स, येरेमी पिनो जस्ता टोलीका महत्वपूर्ण खम्बाहरू २५ भन्दा मुनिका छन् । पोर्चुगलमा रोनाल्डो, ब्रुनो फर्नान्डेस, बर्नाडो सिल्भा, रुबेन नेभेस, रुबेन डियाज, नेल्शन सेमेडो, जाओ क्यान्सेलो जस्ता सुरुवाती ११ मा पर्ने खेलाडीहरू सबै ३० वर्ष माथिका छन् ।