राष्ट्रियसभामा एमालेले माग्यो प्रधानमन्त्रीको राजीनामा

काठमाडौं । नेकपा (एमाले)ले प्रधानमन्त्री वालेन्द्र (बालेन) शाहको राजीनामा मागेको छ । राष्ट्रियसभाको मंगलबारको बैठकमा एमाले सचेतक कुमारी मेचेले राष्ट्रघाती अभिव्यक्ति दिएका बालेनलाई पदमा रहने छुट नभएको बताइन् ।

“राष्ट्रघाती र आत्मसमर्पणवादी सोच कदापी स्वीकार्य हुने छैन । प्रधानमन्त्रीज्यूले तत्काल सदनमा आएर जनतासँग माफी माग्नुपर्छ । आफ्नो अभिव्यक्ति अभिलम्ब फिर्ता लिनुपर्छ,” उनले भनिन्, “नैतिकपतन स्वीकार गर्दै प्रधानमन्त्रीजस्तो पदको गरिमा उच्च राख्नका लागि तत्काल राजीनामा दिएर मार्ग प्रशस्त गर्नुपर्छ ।”

उनले सदनमा विरोध जारी राख्ने बताइन् । आइतबारको प्रतिनिधिसभा बैठकमा प्रधानमन्त्रीले नेपालले पनि भारतको भूमि मिचेको रहेछ भन्ने अभिव्यक्ति दिएका थिए । सोही विषयलाई लिएर उनको विरोध भइरहेको छ ।