प्रधानमन्त्रीले प्रस्ट पार्नुपर्छ : खुश्वु ओली

काठमाडौँ । राष्ट्रिय प्रजातन्त्र पार्टी (राप्रपा) की सांसद खुश्वु ओलीले नेपालले भारतकाे भूमि मिचेको भनेर संसदमा दिएको अभिव्यक्ति प्रस्ट पार्नुपर्ने बताएकी छन् । सोमबार विपक्षी दलको बैठकपछि सञ्चारकर्मीसँग कुरा गर्दै सांसद ओलीले यस्तो बताएकी हुन् ।

‘प्रधानमन्त्रीले संसदमा नेपालले भारतको भूमि मिचेको छ भनेर दिएको अभिव्यक्तिमा ठुलो आपत्ति छ’, उनले भनिन्, ‘प्रधानमन्त्रीले संसदमा आएर नेपालले अर्को देशको भूमि मिचेको छ भन्नुभयो अत्यन्त गम्भीर छ ।’

उनले राप्रपाले यसबारे स्पष्ट पार्न भनेको भन्दै विपक्षी दलहरूको समेत यसमा एउटै धारणा बनेको बताइन् ।

‘प्रधानमन्त्रीले यसबारे प्रस्ट पार्नुपर्छ भन्ने प्रतिपक्षको माग छ, त्यही विषय सदनमा उठाउँछौ । उहाँ (प्रधानमन्त्री) ले प्रस्ट पार्नुपर्छ’, ओलीको भनाइ छ ।