कांग्रेस संसदीय दलको नेता चयन गर्न निर्वाचन सुरु

काठमाडौं । नेपाली कांग्रेसको संसदीय दल नेता चयनका निम्ति निर्वाचन प्रक्रिया सुरु भएको छ ।

निर्वाचन प्रक्रिया अनुसार, बिहीबार (वैशाख ९) मतदाता नामावली सार्वजनिक गर्ने कार्यसूची छ ।

निर्वाचन समितिले मतदाता अन्तिम नामावली प्रकाशन आज दिउँसो २ बजे गर्ने र शुक्रबार बिहान ११ देखि १२ बजेसम्म उमेदवारी दर्ता गर्ने कार्यतालिका छ ।

यस्तै, शुक्रबार दिउँसो १ देखि ३ बजेसम्म उमेदवारले नाम फिर्ता लिने, साढे ३ बजे उमेदवारको अन्तिम नामावली प्रकाशन गर्नेसमेत कार्यतालिका छ ।

मतदान सिंहदरबारस्थित कांग्रेस संसदीय दलको कार्यालयमा हुने समिति संयोजक प्रकाश स्नेहीले बताए ।

संसदीय दलको नेतामा नयाँ, पुराना दुवै खालका नेताले आकांक्षा राखेकाले निर्वाचन प्रक्रिया अपनाइएको उनको भनाइ छ ।

अर्जुननरसिंह केसी, भीष्मराज आङदेम्बे, मोहन आचार्य, निस्कल राई र बासना थापाको नाम चर्चामा छ ।