प्रतिनिधिसभा नियमावलीको मस्यौदा तयार, दिउँसो ३ बजे सभामुखलाई बुझाइँदै

काठमाडौं : प्रतिनिधिसभा नियमावलीको मस्यौदा तयार भएको छ । नियमावली मस्यौदा समितिले आज राज्य व्यवस्था तथा सुशासन समितिमा सभामुख डोलप्रसाद (डीपी) अर्याललाई नियमावलीको मस्यौदा बुझाउने भएको छ । नियमावलीको मस्यौदा आज दिउँसो ३ बजे सभामुखलाई बुझाउने कार्यक्रम रहेको छ ।

राष्ट्रिय स्वतन्त्र पार्टी (रास्व्पा) सांसद गणेश पराजुलीको नेतृत्वमा १५ सदस्यीय समितिले मस्यौदा फाइनल गरेको हो । प्रतिनिधिसभा सञ्चालन, समिति गठन, काम कारवाही चुस्त बनाउन नियमावली आवश्यक पर्छ ।  यी विषय केन्द्रित रहेर नियमावली बनाउन पराजुली नेतृत्वको समितिलाई जिम्मेवारी दिइएको थियो ।