संसदीय दलको नेता बनेपछि बालेनलाई दिए रविले बधाई

२१ फागुनको निर्वाचनमा सबैभन्दा ठूलो दल बनेको राष्ट्रिय स्वतन्त्र पार्टीले वरिष्ठ नेता बालेन शाहलाई संसदीय दलको नेता बनाएको छ ।

रास्वपाको बिहीबार बसेको केन्द्रीय समितिको बैठकले बालेनलाई संसदीय दलको नेता चयन गर्ने प्रस्ताव पारित गरेको हो । बालेनलाई दलकाे नेता बनाउने प्रस्ताव पारित भएपछि सभापति रवि लामिछानेले उनलाई बधाई दिँदै सफल कार्यकालको शुभकामना दिएका छन् ।

‘संसदीय दलको तर्फबाट हार्दिक बधाई, शुभकामना, सफल कार्यकालको शुभकामना’, संक्षिप्त मन्तव्य राख्दै लामिछानेले भने ।

यसअघिको रास्वपाले बालेनलाई संसदीय दलको नेता र भावी प्रधानमन्त्री बनाउने सहमति गरेको थियो । सोही सहमति अनुसार बालेन दलको नेतामा चयन भएका हुन् । सबैभन्दा ठूलो दलको रुपमा बालेनले शुक्रबार प्रधानमन्त्री पदको शपगग्रहण गर्दैछन् ।