रास्वपा केन्द्रीय समितिको बैठकबाट संसदीय दल गठनको प्रस्ताव पारित

काठमाडौं- राष्ट्रिय स्वतन्त्र पार्टी (रास्वपा)को केन्द्रीय समितिको बैठकबाट संसदीय दल गठनको प्रस्ताव पारित भएको छ। वनस्थलीस्थित पार्टी कार्यालयमा बसेको केन्द्रीय समितिको बैठकले संसदीय दल गठनको प्रस्ताव पारित गरेको प्रवक्ता मनिष झा बताए।

बैठकमा सभापति रवि लामिछाने र वरिष्ठ नेता बालेन्द्र शाह (बालेन) पनि उपस्थित छन्। केन्द्रीय समितिको बैठकपछि संसदीय दलको बैठक बस्ने छ। सोही बैठकले बालेनलाई संसदीय दलको नेता चुन्ने कार्यतालिका छन्।

निर्वाचनमा १८२ सिट जितेर एकल सरकार बनाउन लागेको रास्वपाका तर्फबाट बालेन प्रधानमन्त्री बन्दैछन्। उनले शुक्रबार १२:३४ मा प्रधानमन्त्री पदमा सपथ लिँदैछन्।