रास्वपा संसदीय दलको नेतामा बालेन शाह सर्वसम्मत

काठ्माण्डौ- राष्ट्रिय स्वतन्त्र पार्टी (रास्वपा) को संसदीय दलको नेतामा पार्टीका वरिष्ठ नेता बालेन्द्र शाह (बालेन) सर्वसम्मत चयन भएका छन्।

बिहीबार बसेको पार्टीको केन्द्रीय समिति बैठकमा सभापति रवि लामिछानेले शाहलाई दलको नेता बनाउन गरेको प्रस्ताव सर्वसम्मत रूपमा पारित भएको हो।

नवनिर्वाचित प्रतिनिधि सभा सदस्यहरूको शपथ ग्रहणलगत्तै वनस्थलीस्थित पार्टी केन्द्रीय कार्यालय ‘घण्टीघर’ मा केन्द्रीय समितिको बैठक बसेको थियो।

सभापति लामिछानेको प्रस्तावलाई केन्द्रीय सदस्यहरूले एकमतले अनुमोदन गरेसँगै अब संसद्‌मा रास्वपाको नेतृत्व शाहले गर्ने पक्का भएको छ।