भवन नहुँदा सभा सञ्चालनको प्रबन्ध गर्न कठिन भयो : संसद् सचिवालय

काठमाण्डौ- संसद् सचिवालयले आज नवनिर्वाचित सांसद्को शपथ ग्रहण गराएको भवन अल्पकालिन प्रयोग हुने बताएको छ।

जेन्जी आन्दोलनको क्रममा भदौ २४ गते ध्वस्त भएपछि नयाँ बानेश्वरमा रहेको संघीय संसद् भवनमा बैठक बस्न नसक्ने भएको र सिंहदरबारमा नवनिर्मित संसद् भवन पनि पूर्ण नभइसकेकाले बैठक बस्न नसकेको संघीय संसद्का महासचिव पदम प्रसाद पाण्डेयले बताए।

उनले अन्तर्राष्टिय सम्मेलन केन्द्र ध्वस्त भएको तथा नयाँ संसद् भवन हस्तान्तरण नभएकाले सभा सञ्चालनको प्रबन्ध गर्न निकै कठिन भएको भन्दै विभिन्न विकल्पको खोजीपछि बहुउदेश्य हललाई नै शपथ कार्यक्रम र अल्पकालिन रुपमा प्रयोग गरिएको जानकारी गराए।

हतारमा कार्यक्रम तय गरिएकाले भवनमा थुप्रै कमिकमजोरी हुनसक्ने उनको भनाइ छ।