काठमाडौं असिनासहितको वर्षा, दिउँसै अन्धकार
काठमाडौं : काठमाडौं उपत्यकाका विभिन्न क्षेत्रमा शुक्रबार अपरान्ह असिनासहितको वर्षा भएको छ। अपरान्हको समयमा नै साँझको जस्तो अँध्यारो बनेको छ । जल तथा मौसम विज्ञान विभागकी प्रवक्ता विभूति पोखरेलले काठमाडौं उपत्यकामा असिनासहित वर्षा भए पनि हुरीको प्रभाव कम रहेको बताइन् ।
विशेष गरी तराईका जिल्लामा यसको प्रभाव बढी पर्ने तर आत्तिनुपर्ने अवस्था नरहेको उनले बताइन् । तर सतर्कता अपनाउन भने आवश्यक रहेको उनले बताइन् । प्रवक्ता पोखरेलले हुरी चलिरहेको समयमा घरबाहिर ननिस्कन सुझाव दिइन् ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार आकाशमा बिजुली चम्किन थालेर गड्याङगुडुङ गर्न थालेपछि सतर्क हुने र नजिकै कुनै घर/संरचना भएभित्र गइहाल्नुपर्छ ।
प्राधिकरणका उपसचिव रामबहादुर केसीले प्रभावित क्षेत्रका बासिन्दा र यात्रुलाई अनावश्यक यात्रा नगर्न, सुरक्षित स्थानमा बस्न र सवारीसाधन सञ्चालन नगर्न विशेष सतर्कता अपनाउन आग्रह गरे । साथै, कमजोर संरचना र बिजुलीका तारमा जोखिम हुनसक्ने भएकाले विद्युत् उपकरण नचलाउन समेत उनको अनुरोध छ ।
ट्रेन्डिङ
सम्बन्धित
