इरान पूर्ण रूपमा हारिसक्यो, मलाई अहिल्यै सम्झौता मञ्जुर छैन : ट्रम्प
फ्लोरिडा : अमेरिकी राष्ट्रपति डोनाल्ड ट्रम्पले इरान अहिले अमेरिकाको अगाडि पूर्ण रूपमा हारिसकेको र सम्झौताका लागि तयार भएको दाबी गरेका छन् ।
उनले सामाजिक सञ्जाल एक्समार्फत एक पोस्ट गर्दै उनले इरान सम्झौताको पक्षमा भए पनि आफू अहिले नै कुनै पनि सम्झौता गर्ने मुडमा नरहेको स्पष्ट पारेका हुन्।
त्यस्तै ट्रम्पले मूलधारका सञ्चारमाध्यमलाई ‘फेक न्युज’ को संज्ञा दिँदै उनीहरूले अमेरिकी सेनाको वीरतालाई लुकाएको आरोप लगाएका छन्। उनले भनेका छन्, ‘फेक न्युज मिडियाहरू इरानविरुद्ध अमेरिकी सेनाले कति उत्कृष्ट प्रदर्शन गरेको छ भन्ने कुरा जनतालाई बताउन हिचकिचाइरहेका छन्।’
यसअघि पनि ट्रम्पले अमेरिकी हमलाका कारण इरानका मुख्य सैन्य अखडाहरू ध्वस्त भएको र इरानको शक्ति निकै कमजोर भएको दाबी गर्दै आएका थिए। हालैका दिनमा अमेरिका र इरानबीचको सैन्य द्वन्द्वलाई लिएर अन्तर्राष्ट्रिय सञ्चारमाध्यममा फरक-फरक दाबीहरू सार्वजनिक भइरहेका बेला ट्रम्पले यो आक्रोश पोखेका हुन् ।
ट्रेन्डिङ
सम्बन्धित
